புனித ரமலானே... வருக வருக!

புனித ரமலான் பூத்திருக்கு
புன்னகை பூமியில் காத்திருக்கு
குர்ஆனை தினமும் திறந்திடுவோம்
கொரோனா வைரஸை மறந்திடுவோம்

அதிகாலை நேரத்தில் எழுந்திடுவோம்
ஐவேளை அல்லாஹ்வை தொழுதிடுவோம்
நம்பிக்கை விளைநிலம் உழுதிடுவோம்
நாயனிடம் கையேந்தி அழுதிடுவோம்

நோன்பின் மாண்புகளை விளங்கிடுவோம்
வறியோர்க்கு ஜக்காத்தை வழங்கிடுவோம்
ஈமானில் சீமானாய் துலங்கிடுவோம்
ஈடேற்றம் வேண்டுமென கலங்கிடுவோம்

இறைத்தூதர் நபிவழியில் நடந்திடுவோம்
கறைப்படிந்த வாழ்க்கையினை கடந்திடுவோம்
ரஹ்மானின் பேரருளைப் புகழ்ந்திடுவோம்
ரமலானை வரவேற்று மகிழ்ந்திடுவோம்

முனைவர் மு. அ. காதர், சிங்கப்பூர்